Стварай культуру:
бібліятэчныя інавацыйныя паслугі

У 2020 г. Украінская бібліятэчная асацыяцыя (ВГО Українська бібліотечна асоціація) рэалізуе міжнародны праект пад назвай «Стварай культуру: бібліятэчныя інавацыйныя паслугі», які падтрымлівае Еўрапейскі Саюз па праграме Дом Еўропы. На конкурснай аснове было адабрана 32 бібліятэкара з Украіны і Беларусі, якія прайшлі навучанне з удзелам дацкіх і ўкраінскіх трэнераў. Па выніках навучання кожны бібліятэкар-удзельнік распрацаваў і ўкараніў у сваёй бібліятэцы новую інавацыйную паслугу для развіцця крэатыўных індустрый, якія прадстаўлены на дадзеным рэсурсе.

Школа арт-маркетынгу для мастакоў і музыкаў

Валынская ДАУНБ ім. Алены Пчолкі адкрыла школу арт-маркетынгу, дзякуючы якой луцкія мастакі і музыкі змогуць навучыцца прасоўваць уласны культурны прадукт.

«Да стварэння такой паслугі заахвоцілі запыты карыстальнікаў бібліятэкі. Шмат чытачоў з мастацкага аддзела казалі пра тое, што цяпер цяжка рэалізаваць сваю творчасць і зарабляць на гэтым грошы», – кажа Ульяна Джаман, адна з ініцыятараў школы.

Прататып паслугі стваралі разам з супрацоўнікамі Аддзела гарадскога абанемента і Аддзела літаратуры па мастацтву бібліятэкі. Таксама да працэсу прыцягнулі і пастаянных чытачоў бібліятэкі, мастакоў і музыкаў, якія давалі рэкамендацыі і праходзілі апытанне.

«Мы ўбачылі, што недарэчна ставіць ўзроставае абмежаванне карыстальнікаў паслугі школы арт-маркетынгу, а таксама выявілі патрэбу ў забеспячэнні карыстальнікаў паслугі спецыялізаванай літаратурай», – дзеліцца вынікамі тэставання паслугі бібліятэкарка.

У рамках школы праводзяць майстар-класы, лекцыі, а таксама сустрэчы з людзьмі, якія могуць падзяліцца ўласным вопытам прасоўвання. Арганізатары плануюць запісваць мерапрыемствы на відэа і выкладваць іх у свабодны доступ.

picture

Чытай таксама